Toyota 150 мыңға жуық жаңа көлікті сервиске шақырады

Концерн АҚШ-та 2024-2025 жылдары шыққан 147 мың автомобильді қамтитын сервистік кампания жариялады. Бірнеше модельдің екінші қатардағы жолаушы отыратын жердегі қауіпсіздік белдігінен, ал Tacoma-ның артқы тежеуішінен ақау шыққан.

41 мың Toyota Camry мен Lexus RX және NX кроссоверлерінің артқы қауіпсіздік белдігінде кемшілік бары анықталды. Ол өндіріс барысында зақымдалса керек және апат болған жағдайда жолаушыны мықтап ұстай алмайды. Сервистік орталықтардағы мамандар барлық көлікті тексеріп, қажет болса, белдігін ауыстырады.

1 / 3

• 
• 
• 

Lexus RX

Toyota Camry

Lexus NX

1 / 3

Toyota Tacoma-ға келер болсақ, оған қатысты мәселе күрделі, ауқымы да кең сияқты. Шараға Солтүстік, Орталық және Оңтүстік Америкада сатылған 106 мыңға жуық 17 дюймдік дискісі бар толық жетекті пикап қатысады.

Онымен жолсыз жерде жүргенде дөңгелек ішіне тым көп кір жиналатын көрінеді, бұл тежеуіш бөліктерінің жылдам істен шығуына әкеледі. Салдарынан олар зақымданып, тежеуіш сұйықтығы ағып кетуі мүмкін, бұл тежеуіш қызметі нашарлап, апатқа ұшырау қаупі артуына ықпал етеді. Мамандар пикаптың артқы тежеуішінің құбыршегін төзімдісіне ауыстырып береді.

Toyota биыл сәуірде көлік иелеріне хабарлама жібере бастайды.

CarBuzz басылымы сервистік орталыққа баратын барлық автомобиль өз сегментінде бестселлер екенін атап өтті. Toyota Camry былтыр АҚШ-тағы ең танымал седан атанды. Tacoma орта көлемді пикаптар арасында көш бастап тұр. Lexus RX пен NX бәсекелестерінен (BMW, Mercedes-Benz және Acura) әлдеқайда көп сатылады.