Толық жетекті Hyundai Sonata

Hyundai Солтүстік Америка тұрғындарының назарына жаңарған Sonata седанын ұсынды. Өз отанында сатылатын түрленімнен бұл нұсқа сырт пішінімен де, интерьерімен де ерекшеленбейді, бірақ өз мотор гаммасы болады. Ал АҚШ-та алғаш рет Sonata-ның толық жетекті нұсқасы саудаға түседі.

Америка жұртына Hyundai рестайлингтен өткен Sonata-ны үш қозғалтқышпен ұсынады: атмосфералы және турбиналы екі мотор (2.5 л) мен 2 литрлік моторға негізделген гибрид күштік құрылым. Агрегаттардың қуаты белгісіз.

1 / 11

Hyundai Sonata Limited

1 / 11

Бренд моторды түбегейлі жаңартуға ақша жұмсауы екіталай. Рестайлингке дейін төрт цилиндрлі моторлар 194 және 294 ат күшін, ал гибрид күштік құрылым 195 ат күшін беретін. Бірақ компания турбомоторды N Line түрленіміне арнап жасағанын ресми мәлімдеді, сондықтан әліптің артын бағуға тура келеді.

Sonata-ның ең қуатты нұсқасы алдыңғы жетегін сақтаған, ал электрогидравликалық HTRAC муфтасы седанға атмосфералы мотормен берілген. Жүйе алдыңғы оське басымдық береді, дегенмен тарту күшін алдыңғы және артқы дөңгелек арасында үлестіре алады. Көмекші электроника қар басқан жолға арналған жұмыс режиміне ие болды.

1 / 12

Hyundai Sonata N Line

1 / 12

Америкалық Sonata-ның да сырт пішіні түбегейлі жаңарды, интерьері заманға сай. Салонда жаңа алдыңғы панель, 12.3 дюймдік екі дисплей, климат-бақылаудың жартылай сенсорлы блогы мен басқа рөл көзге түседі. Беріліс қорабының селекторы рөл колонкасына ауысқан соң ортаңғы тоннельге сымсыз қуаттағыш слотын қойған.

Кроссовердің туыстасы Kia K5 2019 жылы толық жетекті болды. Рестайлингке дейінгі Sonata Қазақстанда 6 сатылы автоматпен және алдыңғы жетек жүйесімен жұмыс істейтін екі атмосфералы мотормен (150 және 180 а.к.) қолжетімді. Бағасы 13 490 000 теңгеден басталады.

Комментариев: 0