АВТОВАЗ жаңартылған LADA Granta тобының құрамына енді универсал мен хэтчбек шанақты Kalina енген барлық төрт көлігінің ортақ фотосуретін жариялады. Волга алыбының мұндай дархандыққа баруы өндірістің басталуымен байланысты. Алғашқы таныстырылымы екі аптадан кейін Мәскеу қаласындағы автосалонда өтеді.
Күтілгендей, басты өзгерістер көліктердің сыртқы пішінінде болады: алдыңғы жағының LADA Vesta мен XRAY-де төселген, жаңа фирмалық стильдегі дизайны, өзгеше радиатор торы және жарық шамдары мен бамперлер. Салонда қандай өзгерістер болатыны әзірше белгісіз. Тек аспаптар панелінің комбинациясы өзгеретіні, ал тахометрдегі қызыл аймақтың 5.5 межесінен 6 мың айналымға дейін жылжитыны ғана белгілі.
Алайда бұл жаңартылған топтың барлығы жаңа техникалық жабдықталымға ие болады деген сөз емес, шамасы Granta-ның төрт үлгісі де бұрынғы моторларын сақтап қалатын сыңайлы.
LADA Granta Қазақстандағы өз классындағы аса танымал әрі қолжетімді автокөлік болып қала береді. Автокөлік ең өтімді көліктер рейтингінде екінші орынды иеленген. Жеті ай ішінде LADA Granta-ның 2 073 данасы сатылған. Қазақстандықтар үшін одан жоғары сұранысқа ие көлік тек Toyota Camry.
Комментариев: 0