Жүргізушілер Төле бидің жол жабындысына жаппай шағымдана бастаған соң, Алматы билігі көшедегі трамвай рельстерін алу немесе бетонмен қоршау арқылы жүргін бөлікті жөндеу жөнінде шешім шығарды. Kolesa.kz-ке қалалық мобильділік басқармасының өкілдері түсіндіргендей, рельстерді алу Байтұрсыновтан басталып, Байзақов не Әуезов қиылысына дейін жалғасады.
Рельс алынбайтын жерлерде ол жиектеліп, бұрылатын орындар қарастырылады. Рельс алынған бөліктерде қауіпсіздік аралдары жасалады.
Жол жасаушылар жұмысты 25 қыркүйекке дейін аяқтауды жоспарлап отыр.
Еске салайық, Алматыда трамвай 2015 жылы 31 қазанда жұмысын тоқтатқан. Қала билігі бірнеше ірі жол апатынан кейін бұл қоғамдық көлікті қауіпті деп таныды. Трамвай паркін жаңартып, жолын жөндеудің орнына, шенділер экологиялық көліктен мүлде бас тартуды жөн көрді.
Кейін Тоқаев Алматының трамвайдан бас тартуы даулы шешім екенін айтты.
Комментариев: 0