The Grand Tour шоуын блогерлер жүргізе ме?

Джереми Кларксон, Джеймс Мэй және Ричард Хаммонд жүргізетін Grand Tour автошоуы жаңа құраммен жарық көруі мүмкін. Олардың орнын автоблогерлер басады.

The Sun хабарлағандай, The Grand Tour шоуын енді Томас Холланд пен Джеймс Энгельсман жүргізеді, олар миллиондағын көрермені бар Throttle House YouTube-арнасы арқылы жұртқа танылған. «Томас пен Джеймс Джереми де Ричард пен Джеймс сияқты автомобиль саласын жақсы біледі. Оның үстіне олар жас әрі әлеуметтік желіден хабары мол» деді басылым дереккөзі.

Оларға TikTok пен Instagram-да миллиондаған оқырманы бар техногик әрі энтузиаст Фрэнсис Буржуа қосылады. 24 жастағы видеоблогер өзгеше көзқарасымен және орынды әзілімен жұртқа ұнары анық.

Жаңа құрам «Гранд тур» форматын өзгертіп, алдын ала дайындалған қойылымдардан бас тартуы мүмкін. Бірақ Amazon бұл ақпаратты әлі растаған жоқ.