Tesla Ванкувердегі автосалонға қатыспады

Илон Масктың өзі де, көліктері де көп адамға жақпай қалып, бұл компания бизнесіне кері әсерін тигізіп жатыр.

Әлемге әйгілі автоконцерндер жиналатын Ванкувердегі халықаралық автосалон (VIAC) ашылуға бір күн қалғанда көрмеден Cybertruck, Model 3 және жаңарған Model Y-ды алып тастады. Афишада компанияның логотипі де жоқ. Бұл туралы Carscoops хабарлады. Ұйымдастырушылар Tesla брендіне қатысты қауіпсіздік мәселелері туындауы мүмкін деп үрейленген. Себебі компанияның шоурумдары мен көліктеріне жұрт әлі шабуыл жасап жатыр.

VIAC Tesla-ға автошоудан кетудің бірнеше жолын ұсынған, алайда компания олардан бас тартты. Нәтижесінде, канадалықтар электромобильдерді күшпен шығарып жіберді.

АҚШ-та наразылық білдіргендер Лас-Вегас, Канзас-Сити, Сан-Диего және басқа қалаларда бірнеше Tesla моделін өртеп жіберген. Илон Маск X желісінде вандалдардың әрекетіне былай жауап берді: «Tesla — жай ғана электромобиль шығаратын компания және мұндай қатыгез шабуылдарға лайық болатындай ештеңе істеген жоқ».

This level of violence is insane and deeply wrong.

Tesla just makes electric cars and has done nothing to deserve these evil attacks. https://t.co/Fh1rcfsJPh

— Elon Musk (@elonmusk) March 18, 2025