Tesla-ның табысы таңдай қақтырар деңгейге жетті. Nikkei Asia басылымы Масктың компаниясы биыл III тоқсанда 3.29 млрд доллар табыс тапқанын хабарлады. Салыстыру үшін айтсақ, әлем автоөндірісінің көшбасшысы Toyota-ның аталған мезгілдегі табысы 3.15 млрд доллар болды, бірақ мұндай ақша табу үшін жапон маркасы Tesla-дан әлдеқайда көп машина шығарды.
Шілдеден қыркүйекке дейін саудаланған 344 000 «Тесланың» (төрт модель) әрбірінен компания шотына 9 570 доллар түскен. Ал жапондар Toyota құрамына кіретін барлық марканың 2.62 млн машинасын сатып, оның әрбірінен орта есеппен 1200 доллар пайда көрді.
Tesla әлемде экологиялық таза көліктердің көбеюіне күш салумен қатар дәстүрлі дилерлік орталықтан бас тартып, электромобильді тікелей сатуды жолға қойды. Сондай-ақ америкалық компания алғашқылардың бірі болып кілтті тапсырғаннан кейін де автокөлік иесінен ақы алу саясатын іске қосты.
Комментариев: 0