Аспан асты елінің тұрғындары техникасына педальге бағытталған камера орната бастады. Себебі марка көліктеріне сенуден қалған. Олар камера жазбасы болса, Tesla машинадағы ақауды жүргізушінің қателігі дей алмайды.
Ерекше «тюнинг» жаппай белең алды деу қиын, дегенмен Fast Technology жүргізушінің аяқ тұсында тұрған камера суреттерін жариялады.
Бұған Шанхай автосалонында болған шулы оқиға әсер етті. Автошоу кезінде Tesla Model 3 иесі тежеуіш кенет істен шыққандықтан жақындары бір өлімнен қалғанын айтып, «Тесла» стендінің жанында шу шығарған еді. Қытайлық әйел компанияның оған ақауы бар машина сатқанына сенімді. Ал Tesla мұнымен мүлде келіспейді. Компания өкілдері көлікте ақау болмағанын айтты. Олардың сөзінше, апатқа жылдамдықты шамадан тыс асыру себеп болған.
Оқиға жұрттың назарын аударған соң, бұл іске ел билігі араласты. Олар Tesla-ны апаттан 30 минут бұрын тежеуіш жүйесінің қалай жұмыс істегеніне қатысты мәлімет беруге міндеттеді.
Компания дерегіне сүйенсек, машинаның жылдамдығы бірнеше мәрте 100-ден жоғары болған, жүргізуші тежеуішті 47 рет басыпты, ал апат болған сәттегі көліктің жылдамдығы — 118.5 км/сағ. Соғылғанға дейін автомобиль жылдамдығын 48.5 шақырымға дейін бәсеңдетті. Бұған педальді басу ғана емес, автоматты тежеу жүйесінің іске қосылуы да ықпал етті.
Комментариев: 0