Tesla 380 мың электрокарды сервиске шақырады

Tesla тағы бір сервистік кампания жариялады. Ол рөл күшейткіш жұмысына қатысты: 376 241 электрокардың рөлі тым ауыр болып қалуы мүмкін. Ақау бағдарламалық жасақтаманы жаңарту арқылы шешіледі.

Tesla-ға бірнеше жыл бұрын рөлді басқару механизмінің жұмысына қатысты шағым түскен. Клиенттер машина баяу жүргенде, мысалы, тұраққа қойған кезде рөлі шамадан тыс ауырлап кететініне наразы болған. Кей көлік иелері рөл күшейткіш мүлде жұмыс істемей қалғанын айтты.

Tesla мамандары 3 мыңға жуық шағымды зерттеп, ақауға қозғалтқышты іске қосқан кезде борт желісінде кернеудің жоғарылауы себеп болғанын анықтады. Бұл құрылғының электронды компонентіне шамадан тыс күш түсіреді. Марка машина тез жүріп келе жатқанда рөл ауырламайтынын әрі осы ақауға байланысты әлі оқыс оқиға тіркелмегенін хабарлады.

Tesla АҚШ-та 2023 жылғы 380 мың Model 3 пен Model Y-дың бағдарламалық жасақтамасын жаңартады. Марка биыл алғаш рет сервистік кампания жариялап отырған жоқ. Қаңтарда артқы көрініс айнасы істемей қалған 240 мың электрокарды сервиске шақырған. 2024 жылы Tesla 5 138 000 машинаны кері шақырды, бұл көрсеткіш бойынша ол АҚШ нарығында бірінші орында тұр.