Телефон балансында ақша болмаса да цифрлық құжат көрсетуге болады

2022 жылдан бері елде цифрлық құжатты қағаз нұсқасымен қатар қолдануға болады. Жүргізушілерге eGov mobile немесе Kaspi.kz қосымшасы орнатылған смартфон ұстап жүру жеткілікті, онда жеке куәлік, жүргізуші куәлігі және техпаспорт бар. Бірақ телефонда баланс болмаса мобильді интернет қосылмайды, сондықтан шотында қаражат жоқ көлік иелері полицияға құжат көрсете алмай жүр.

15 қыркүйекте жағдай өзгереді. Премьер-министр Олжас Бектенов төрағалық ететін Цифрлық штаб осы күннен бастап Aitu, eGov, eGov Business және eOtinish сервистерін халық тегін пайдаланады деп мәлімдеді. 20 қыркүйекке дейін коммерциялық IT шешімдерді Smart Bridge платформасындағы сервистермен еш кедергісіз біріктіруге жағдай жасалуы керек.

Үкіметтің баспасөз қызметі бұл қадам азаматтардың мемлекеттік ресурстарды толық пайдалануына мүмкіндік беретінін атап өтті.