TechArt тюнинг-ательесі жаңарған Porsche Cayenne-ге негізделген жобасын көрсетті. Magnum деп аталатын жоба бойынша машинаның сырт пішіні өзгеріп, қуаты артады.
Cayenne Turbo GT негіз болған нұсқада 4.0 литрлік турбоүрлемді
Клиенттер Magnum пакетінің бірнеше нұсқасын таңдай алады: Standard, Sport, Unique және First Edition. Бәрінің алдыңғы бөлігі үлкен бампер, жаңа капот, карбон арка кеңейткіш, табалдырықтағы жапсырма, артқы көрініс айнасы және 21 дюймдік дөңгелек дискісімен ерекшеленеді. Ал артқы бөлігі әр нұсқаға байланысты әртүрлі болады. Мысалы, стандарт нұсқада диффузоры бар жаңа бампер және төрт газ шығару түтігі болады. Ал спорттық нұсқа біршама агрессивті бастырықпен жабдықталған.
Unique және First Edition нұсқасының әрлеу деңгейі әлдеқайда жоғары. Карбон элементті мұндай машинаның сырт жағынан да, салонынан да көруге болады. Соңғы түрленімнің 25 экземпляры ғана шығады. Олардың серия нөмірі арка кеңейткіш пен кейбір интерьер деталіне жазылады.
TechArt Magnum пакетінің бағасын әзірше жарияламады.
Комментариев: 0