Тар көшеде еркін жүретін Supra мен GT-R

Өсімдіктердің шағын түрін жасағанды жақсы көретін жапондар танымал модельдердің кішкентай нұсқасын әзірледі. Оны автомобиль саласындағы бонсай десе болады.

1 / 5

• 
• 
• 
• 
• 

1 / 5

Токио автосалонында жаңа өнімдер, қуатты спорткарлар ғана емес, қызық машиналар да бар. Соның бірі — NATS автомобиль колледжінің студенттері әзірлеген экземпляр. Олар Daihatsu Copen кей-карын донор етіп алып, Toyota GR Supra-ға айналдырды. Шоукар G91 Spider деп аталады.

1 / 8

• 
• 
• 
• 
• 
• 
• 
• 

1 / 8

Copen-нің есігі, айнасы, алдыңғы әйнегі және алынатын қатты шатыры өзгермеген. Студенттер қалған бөлшектерін ауыстырып, кейбірін 3D принтермен басып шығарған және тұпнұсқа «супраның» фарын, артқы шамын, бамперін орнатқан.

Салонында Bride Zeta III орындықтары, Sparco рөлі және Diecock аудиожүйесі бар. G91 Spider «Форсаж» фильмдеріндегі Брайан О’Коннордың Supra-сы сияқты.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Микро-Supra саудаға шықпайды, ал 20 жыл бұрын жарық көрген Suzuki Twin кей-карын кез келген адам Skyline GT-R-ге айналдыра алады. Rocket Bunny мен дизайнер Джун Такахаши бірлесіп әзірлеген кастом бастырық 4200 доллар тұрады.

Шанақ панельдері арқылы жұмыр Twin хетчтен GT-R BNR32 жасай аласыз, бірақ сырт келбеті сәл оғаш көрінеді.