Көлік құралының типін мақұлдау құжаты сақталатын базаға жаңа модельдер қосылып жатыр. 23 шілдеде Tank 300-дің құжаттары жарияланса, бүгін брендтің тағы бір көлігі пайда болды. Tank 500 де Алматыдағы AMMKZ кәсіпорнында жасалады. Зауыт рестайлингке дейінгі нұсқаны құрастыра ма, әлде жақында суреттері жарияланған жаңарған түрленімін жасай ма, әзірге белгісіз.
Құжатқа сәйкес Қазақстанда салоны 5 және 7 орынды, бірнеше күштік құрылымы бар Tank 500 жасалады. Бізде «бес жүзіншінің» толыққанды гибриді де болады.
Базалық модификация бұрынғыдай қос турбоүрлемді 3 литрлік V6 моторымен жабдықталады. Оның 299 және 354 ат күшін беретін екі нұсқасы бар. Ең қуаттысы Black деп аталады. Ол қосымша 53 литрлік бак алды. Машина жүксалғыш қақпағындағы қосалқы дөңгелегінің арқасында сәл ұзарды.
Tank Қытайда 500-ді бірнеше бензоэлектрлі құрылыммен ұсынады, ішіндегі ең қуаттысы 877 ат күшін береді. Қазақстанға ең қарапайым түрі келген сияқты. Ол 245 ат күшіне ие 2 литрлік турбомотормен және 9 сатылы автоматқа орнатылған шағын электрлі қозғалтқышпен жүреді. Батарея сыйымдылығы — 1.75 кВт·сағ. Жалпы қуаты 299 ат күшіне (616 Нм) тең.
Комментариев: 0