Қаратал шағынауданының 28 жастағы тұрғыны машинасының нөмірі жоғалғанын 8 қыркүйек күні таңертең хабарлаған. Алматы облыстық полиция департаментінің баспасөз қызметі хабарлағандай, нөмірді табу үшін полицейлер тұраққа орнатылған бейнекамера жазбаларын қарайды. Камераға ашық түсті күрте киген ер адамның Toyota Land Cruiser нөмірін шешіп алған сәті түсіпті.
Тәртіп сақшылары ұрыны ұстады. Қылмыскер сол сәтте ащы суға тойып алғанын және бөтеннің мүлкіне не үшін қол салғанын өзі де білмейтінін айтып, ақталды.
Күдікті ешқайда кетпеу және өзін дұрыс ұстау жөнінде қолхат жазды. Қылмыстық кодекстің 188-бабы, 1-бөлігі бойынша ол 1 000 АЕК мөлшерінде айыппұл арқалайды не дәл сол көлемде түзеу жұмысына жегіледі немесе 800 сағатқа дейін қоғамдық жұмысқа тартылады, не болмаса 3 жылға дейін бас бостандығы шектелуі не сол мерзімге түрмеге қамалуы мүмкін.
Комментариев: 0