ҚР ИИДМ ережеге өзгеріс енгізу жобасын дайындады. Жобаға сай құжатта «таксимен тасымалдаушы — интернет-платформа және (немесе) платформаның мобильді қосымшасын пайдаланып қызмет көрсететін немесе жұмыстарды орындайтын жеке тұлға, жолаушылар мен жүкті таксимен тасу қызметін көрсететін жеке кәсіпкер немесе заңды тұлға» деп жазуды ұсынып отыр.
Егер өзгеріс қабылданса, мысалы, Яндекс Go қосымшасы арқылы жұмыс істейтін таксистер арнайы әкімдік реестріне тіркеліп, жұмыс барысында «Автомобиль көлігі туралы» заң талаптарын сақтауға міндетті болады. Атап айтқанда:
- жолаушы және жүк тасуға айрықша белгісі бар (шаршы белгі, «Такси» деген жазу және т.б.) машина пайдалану;
- сапар алдында машинаны техникалық тексерістен өткізіп, өзі сапар алдында және сапардан кейін медициналық тексерістен өту;
- уақытында демалу.
Алматы және елдегі өзге ірі қалалардағы көптеген такси бұл ереже енбей тұрып, бұрыннан арнайы белгі немесе схемалар тағып жүр. Бірақ ауысым алдында машинаны техбайқаудан, жүргізушіні медициналық тексерістен өткізу әдетке айналмағаны анық.
Таксистер жоғарыда аталған талаптарды
Таксистер мен оларды бақылайтын қызметкерлерді кім қадағалайтыны да белгісіз. Полицейлер шығар. Бірақ олар елге ағылған шетелдік көліктерді бақылауда ұстай алмай, соңында жаппай заңдастырып жатыр.
Көлік комитеті бақылауға ала ма екен? Бірақ олар қалааралық бағыттағы заңсыз автобус жүргізушілерін тізгіндей алмай отыр. Демек таксистерге қатысты жаңа ереже қағаз жүзінде қалуы әбден мүмкін.
Таксистер кірісін бақылау, жүргізушілерге лицензия беру және т.б. ережелер ешқашан жүзеге асқан жоқ. Жергілікті атқарушы органдар тіпті әуежай мен вокзал маңындағы алаяқ таксистерге тоқтау сала алмай отыр.
Комментариев: 0