«Аманат» партиясының бір топ депутаты вице-премьер Р. Склярға сауал жолдап, Қазақстанда таксиді коммерциялық қызмет деп тануға мүмкіндік беретін билет жүйесі жоқ екенін айтты. Былтыр 2579 адам жол апатынан көз жұмған, оның үштен бірі — балалар.
«Зардап шеккендер арасында Алматы, Жамбыл, Қарағанды, Қостанай және басқа облыстарда такси көлігімен апатқа ұшыраған жолаушылар бар. Өкініштісі, олар туралы жеке статистика жоқ. Өйткені
Мәжілісмендер жол апатынан кейін қаза тапқан кісінің отбасы немесе жарақат алған адам сақтандыру төлемі мен шығынды өндіріп алу үшін сапар коммерциялық болғанын дәлелдеуге мәжбүр болады деді.
Сауал авторларының ұсынысы мынадай:
- Тапсырыс алған соң және/немесе төлем жасайтын кезде жүргізушіні цифрлық тексерістен өткізу. Ол үшін агрегатордың ақпараттық жүйесін мемлекеттік ақпараттық жүйемен біріктіріп, жүргізушіде талапқа сай келетін жүргізуші куәлігі
бар-жоғы, машина техбайқаудан өткен-өтпегені туралы дерек алып отыру. - Жол апатын тіркеген кезде көліктің категориясы (жеке/коммерциялық), тапсырысты алған тасымалдаушы мен платформа туралы мәліметті көрсету.
- Жол жүру ақысын төлеген кезде төлем құжатында тасымалдаушы, жолаушы, уақыт және маршрут туралы ақпарат беру.
Вице-премьер Роман Скляр депутаттарды қолдап, қазір агрегаторлармен бірге өзін өзі реттейтін ұйымдар туралы заң жобасы әзірленіп жатыр деді. Жаңа заң бойынша жүргізуші, сақтандыру және т.б. деректі көрсететін ақпараттық жүйе құрылады, сондай-ақ жүргізуші сапар алдында цифрлық тексерістен өтуге міндетті болады. Жүйе ІІМ деректер базасымен және «Технбайқау» ақпараттық жүйесімен бірігеді.
«Жолаушы тасымалы саласында өзін өзі реттеу ұйымын құру салаға қоғамдық бақылау механизмін енгізуге мүмкіндік береді. Атап айтқанда, ақпараттық жүйе арқылы такси агрегаторлары үшін қауіпсіздік талаптарына сай келетін жүргізушілер тізілімін жасауға болады. Сондай-ақ заң бұзу әрекеті анықталса, өзін өзі реттеу ұйымы мемлекеттік органға дереу хабар беруге міндеттеледі», — деп жауап берді Р. Скляр.
Комментариев: 0