2023 жылдың аяғында Toyota дамушы елдерге арналған Hilux Champ-ті сата бастады. Бұл — өте қарапайым, арзан әрі тиімді машина. Артқы жетекті автомобиль рамалы құрылым, боялмаған пластик бастырық және қарапайым интерьері бар бір қатарлы кабина алған.
Hilux Champ-ті коммерциялық мақсатта пайдалануға болады. Агрегаттар топтамасына 2.0 және 2.7 литрлік бензинді моторлар немесе 2.4 литрлік турбодизель (150 а.к., 400 Нм) кіреді. Клиент механикалық немесе автомат трансмиссия таңдай алады.
Hilux Champ Оңтүстік-Шығыс Азия елдеріне арналған. Жүк көлігі мен оның қозғалтқыштарын Таиландтағы Самронг провинциясында орналасқан зауыт стандарт Hilux (Revo) және жолаушы таситын Fortuner-мен қатар шығарады. Компания базасы қысқа шассиге негізделген жаңа модельді Бангкоктағы автосалонда не үшін таныстырғаны түсінікті, өйткені бұл ел пикаптарды тюнингтен өткізу мәдениетімен танымал.
Тюнерлер G-Class-тан, дәлірек айтқанда Brabus ательесінің жобаларынан шабыт алған. Пикапта «гелик» пен неміс шеберлерінің жұмысына тән элементтер тұр. Мысалы, капоттағы бұрылыс шамы, дөңес ауа өткізгіш, шатырдағы жарықдиодты оптика. Ателье жаңа бастырық, басқаша дөңгелек, арка кеңейткіш және табалдырық орнатып, аспасын сәл көтерді.
Toyota клиенттеріне мұндай Hilux Champ-ті ресми түрде ұсынбайды. Бірақ кейбір элемент қосымша жабдықтар каталогына қосылуы мүмкін, ал толық тюнинг-китті Azzy Autoparts тюнерлерінен сатып алуға болады.
Комментариев: 0