Қарағанды облысының полицейлері пилотсыз аппаратпен, дәлірек айтсақ, видеокамерасы бар дронмен жұмыс істейді. Inkaraganda.kz хабарлағандай, күн жылынғалы көлік көбейіп, бақылауды күшейтуге тура келген. Полиция машиналар жоғары жылдамдықта қозғалатын трассаларды жіті қадағаламақ. Республикалық және облыстық маңызы бар жолдардың бойына әуеден бақылау жүретінін ескертетін арнайы табло орнатылады. Мұндағы басты мақсат — ереже бұзғандарды анықтау ғана емес, заңсыз әрекеттердің алдын алу. Тәртіп сақшылары жүргізушілерге түсіндіру жұмыстарын да жүргізеді.
Дрон жылдамдықты тіркемейді. Ол жол белгісі мен таңбасы талабын елемеген жүргізушілерді ғана нысанаға алады. Мысалы, басып озуға тыйым салынған жерде басып озғандарды анықтайды.
Бұған дейін Алматы, Түркістан және Маңғыстау облысының полицейлері көшені дронмен бақылай бастаған. Алматыда қаласы да дрон арқылы тәртіп сақтауға тырысты.
Комментариев: 0