Түркістан облысының Полиция департаментіндегілер тәртіп сақшылары дүниенің жақсысына лайық деп ойласа керек, 3.5 литрлік моторы бар, әрқайсысының құны 16 130 000 теңгені құрайтын «Люкс» жиынтығындағы екі Camry 70 сатып алыпты. Бұл темір тұлпарлар тоғыз колонкасы бар JBL аудиожүйесімен, үш аймақтық климат бақылау жүйесімен және артқы диван жылытқыштарымен жабдықталған. Әрі ақ және қара түсті көліктерге 5555 және 7777 нөмірлері тағылыпты.
Посмотреть эту публикацию в Instagram
Бұған қатысты әлеуметтік желіде біраз шу шыққаннан кейін тәртіп сақшылары үнсіз қалмай, әдемі нөмірлерге ие қымбат тұлпарлар жайлы пікір білдірген. Сөйтсе, бұл автокөліктер ең алдымен облысқа шетелден келетін делегацияны алып жүруге арналған көрінеді. Темір тұлпарлар шетелдік меймандарға біздің мемлекетімізді танытатын болғандықтан, дәйексөз келтіреміз, «марка мен үлгі және нөмірлер беделді көрсету үшін арнайы таңдалған» екен.
Мүмкін, келесі жолы бұл өңірлерге сирек аяқ басатын шетелдік делегацияның алдына тәртіп сақшыларын алтыннан жасалған сауыт-сайманмен шығару керек шығар?
Комментариев: 0