Сырты Mustang, іші Tesla

Tesla-ның Instagram желісіндегі ресми аккаунтында баяу әрі үнсіз жылжып бара жатқан классикалық Ford Mustang түскен бейнежазба жарияланды. Салонынан электромобиль детальдерін көруге болады.

Посмотреть эту публикацию в Instagram

Публикация от Tesla (@teslamotors)

Видеоның астына 1966 жылғы маслкардың электрлі рестомодын Tesla модельдеріне қызмет көрсететін және бөлшек сататын Calimotivee компаниясы жасады деп жазылған. Жобаға қатысты ақпарат аз, бірақ автордың парақшасында құрастыру процесінен хабар беретін бірнеше фото бар.

1 / 5

• 
• 
• 
• 
• 

1 / 5

Суреттерге мән берсек, «Мустангтың» түбін алып тастап, Model 3-тің платформасын орнатқаны көрініп тұр. Едендегі батарея блогы, 320 ат күшіне ие электромотор, аспалар тұрған артқы жақтау мен алдыңғысы да орын ауыстырған. Жобаға жүріс қоры 584 шақырымға жететін Long Range нұсқасы донор болыпты.

Мамандар интерьерін де ішінара Model 3-тен алған. Брендке тән орындықтар мен алдыңғы панельдің қақ ортасында тұрған ірі дисплей бірден көзге түседі, ал рөлін «Кибертрак» моделінен көшірген сияқты. Машина жүргізуші көмекшілерінің барлық мүмкіндігін сақтап қалды. Видеодан электромобильді шақыру функциясының жұмысын тамашалауға болады, ал Calimotivee «автопилоттың» қызметін көрсетті.

Бұл Tesla-ның күштік құрылымын пайдаланған алғашқы рестомод емес. Model S шыққалы электр көмегімен қозғалатын классикалық көлік көбейгені рас. Mustang та бірнеше мәрте осылай түрленді. Мәселен, GZ Racing компаниясы Musla кабриолетін ұсынса, ресейлік фирма Mustang фастбэгімен пішіндес карбон шанағы бар, Model S шассиіне негізделген Aviar R67-ді ұсынды. Оны тіпті көптеп шығарып, қымбатқа сатпақ болған. Алайда жоба прототиптен әрі аспады.