Тиісті шешім 21 желтоқсанда бес мемлекеттің вице-премьерлері қатысқан ЕЭК Кеңесінің отырысында қабылданды. Құжатқа сәйкес одақ аумағына жаңа автомобильді өндірушілердің ресми өкілдері ғана кіргізе алады. Жеке автосалондар шетелден шыққанына үш жылдан асқан машинаны ғана әкеледі.
Шешім жақында жарияланып, 30 күннен кейін, яғни 2026 жылғы қаңтардың аяғында күшіне енеді. Құжатта жеке импорттаушыларға бұрын тапсырыс қабылдап қойған автомобильді рәсімдеп үлгеруге мүмкіндік беретін өтпелі кезең жоқ. Елде белгілі бір марканың ресми өкілі бар-жоғы да ескерілмейді.
Бұл шектеудің жеке тұлғаларға қатысы жоқ.
2024 жылғы 1 желтоқсаннан бастап Көлік құралын тіркеу туралы куәлік алған заңды тұлғалар, яғни ресми дилерлер ғана Қазақстанға автомобиль әкеле алады. Жеке тұлға жылына бір дана жаңа немесе жүрген машинаны Көлік құралы құрылымының қауіпсіздігі туралы куәлік арқылы кіргізіп, жеке пайдалануға арналған тауар ретінде кеденде рәсімдейді.
ЕЭК Кеңесінің шешіміне сәйкес бұл талап Кеден одағына мүше болып отырған барлық мемлекетке әсер етеді.
МАСКАРА