Сёрфинг спортына арналған Lexus LX

Lexus-тың Америкадағы бөлімшесі Гавайдағы World Surf League сёрфинг іс-шарасында LX-тің ерекше нұсқасын көрсетті. Surf LX деп аталатын машина осы спорт түріне қызығатындарға арналған. Жол талғамайтын көлік ыңғайлы әрі тартымды болды.

Lexus LX-тің жүксалғыш бөлігінде арнайы жасалған органайзер болады. Жүксалғышта киімжарақ пен керек заттарды салатын орындар және тоңазытқыш бар. Еден панелін шығарып алып, жұмыс үстелі ретінде пайдалануға болады. Сондай-ақ сёрфинг тақтасын бекіткіш орнатылған.

1 / 4

• 
• 
• 
• 

1 / 4

Surf LX сыртай «теңіз» түсті бояуымен ерекшеленеді. Жол талғамайтын көліктің шанағы күңгірт көк түсті, ал шатыры аққа боялған. Сыртында каркас бар, оның неге қажет екенін компания айтқан жоқ. Ол үлкен сёрфинг тақтасын тасуға немесе машина корпусын қорғауға арналған болуы мүмкін. Төбеге бесінші есіктегі баспалдақ арқылы шығуға болады.

Жағажайдағы құммен жүруге қолайы болу үшін машина 33 дюймдік шинасы бар 20 дюймдік дискімен жабдықталған.

Lexus арнайы нұсқаны сериялы өндіріске шығармайды. Surf LX премиум марка мен Дүниежүзілік сёрфинг лигасы арасындағы ынтымақтастықты көрсету үшін жасалған.