Subaru Solterra жаңарды

Биыл наурызда Toyota bZ4x рестайлингтен өткен, араға бір ай салып Subaru осыған ұқсас электромобилін көрсетті. Тұсаукесер Нью-Йорк автосалоны аясында өтті.

1 / 11

• 
• 
• 
• 
• 
• 
• 
• 
• 
• 
• 

1 / 11

Автомобильде екі деңгейлі жарық техникасы бар жаңа алдыңғы жағы мен боялмаған пластик элементтер жоқтығымен ерекшеленеді. Олар енді шанақ түстес болады. Модельдің артында марка логотипі жоқ, оның орнын шамдар арасындағы Subaru жазуы басқан.

Solterra салонында сымсыз қуаттағышы бар жаңа ортаңғы консоль көзге түседі. 14 дюймдік медиакешен экраны мен климат-басқару панелінен тұратын жаңа блок назар аудартады.

1 / 8

• 
• 
• 
• 
• 
• 
• 
• 

1 / 8

Техникалық жағына келер болсақ, EyeSight жүйесінің заманауи нұсқасы пайда болған. Екі моторлы күштік құрылымның қуаты 218-ден, 236 ат күшіне артады, сондай-ақ модельдің XT түрленімі жарық көреді. Жаңасы да екі электромотормен жүреді, бірақ ол 341 ат күшіне ие болады. Батарея сыйымдылығы 72.8-ден 74.7 кВт·сағ-қа артып, машинаның жүріс қоры 459 километрге жетті. Электрокар АҚШ-та NACS қуаттау портымен жабдықталады.

Жаңарған Solterra биыл жыл аяғына қарай саудаға шығады.