Stellantis-тің қатты денелі батареясы 18 минутта толық қуатталады

Stellantis концерні мен америкалық Factorial Energy стартапының энергия тығыздығы 375 Вт·сағ/кг қатты денелі аккумулятор жасау жобасы сәтті жүріп жатыр деп хабарлады Carscoops. Бұл электромобильге арналған қатты денелі батарея өндірісін бастауға мүмкіндік береді.

Қазір ең көп таралған литий-ионды батареямен салыстырғанда қатты денелі аккумуляторды қуаттау уақыты айтарлықтай қысқа. Мұндай батарея бөлме температурасында 15-тен 90 %-ға дейін небәрі 18 минутта толады. Factorial электролиті —30°C-тан 45°C-қа дейінгі температурада жұмыс істеуге мүмкіндік береді, демек мұндай батареямен жүретін электромобиль аяз бен ыстыққа төзімді болады.

Қатты денелі аккумулятормен жүретін Dodge Charger Daytona прототипі 2026 жылы жарық көреді. Жаңа аккумулятордың сипаттамасы мен артықшылық, кемшілігі сол кезде белгілі болады.