Stellantis Америкадағы брендтеріне үміт артып отыр

Stellantis-тің жаңа бас директоры Антонио Филоза басқаратын топ жақында Солтүстік Америка бөлімшесіне қосымша 5 миллиард доллар инвестиция құямыз деп мәлімдеді. Бұл қаражат алдағы бірнеше жылда Иллинойс пен Мичигандағы зауыттарды жақсартуға, жаңа модельдер әзірлеп, өндіруге жұмсалады. Бұл туралы Bloomberg хабарлады.

Компания осынша соманы 2025 жылғы бюджетіне дәл осы мақсатта қосқанын ескерсек, АҚШ нарығы арқылы тығырықтан шығуды көздеп отырғаны анық. Осылайша Stellantis бұрынғы басшысы Карлос Таварестің Еуропаға басымдық беру стратегиясынан бас тартады.

Негізгі қаржы Jeep, Dodge (Ram-мен бірге) маркаларына бағытталады, кейін оларға қазір ескіргенмен әлі де сұранысқа ие екі минивэні бар Chrysler қосылады. Модельдерге V8 қозғалтқышының қайта оралатынына дәстүрлі моторды жөн көретіндер қуанатыны анық, оны Charger Daytona-ға орнатуы мүмкін.

Stellantis АҚШ-та қызметкер тапшылығына байланысты өзге қиындықтарға тап болуы ықтимал. Соңғы жылдары Америкадағы кәсіпкерлер өнеркәсіптің барлық дерлік саласында (кеме жасаудан бастап автозауыттарға дейін) білікті жұмыс күші жетпей жатыр деп шағымданып келеді. Бұл мәселені тек ақшамен жылдам шешу мүмкін емес.