Soueast Қазақстанға келді

2 сәуірде Қытайдан келген Soueast маркасының көліктері сатыла бастады. Бұл брендтің өнімдері Қостанайдағы Allur зауытында жасалады. Кәсіпорын S07-ні дәнекерлеу және шанақ бояу секілді майда торапты әдіспен (CKD) құрастырады.

1 / 6

• 
• 
• 
• 
• 
• 

1 / 6

Soueast қандай бренд?

Soueast — Chery Automobile концернінің суббренді. Қазақстанда негізгі Chery-мен қатар, Exeed, Omoda, Jaecoo, Jetour және Kaiyi маркаларымен бірге саудаланады. Яғни, бұл — алтыншы бренд. Компанияның тарихы әлдеқайда ерте басталған. 1995 жылы China Motor Corporation мен Fujian Motor Industry Group бірлесіп Soueast кәсіпорнын құрды. 2006 жылы оларға Mitsubishi қосылды. Кейін Soueast-тің модельдер қатары өңі өзгерген жапон көліктерінен тұрды, Mitsubishi-дің агрегаттарын алды. Брендтің зауыттары Mitsubishi-дің Қытайға арналған өнімдерін де шығарған.

2017 жылы Soueast-тің саудасы қызып, 150 000 автомобиль сатты. Кейін жағдайы нашарлады. 2021 жылы Mitsubishi серіктес болудан бас тартты, ал 2024 жылы активтерін Chery Automobile сатып алды.

Қазақстанда қай көліктерін саудалайды

Soueast бастапқы кезеңде S06, S07 және S09 индексті үш кроссоверін ұсынады. Олар Jetour Dashing, X70 және X90 модельдеріне жақын. Jetour модельдері тек 7 сатылы роботпен және алдыңғы жетек жүйесімен жабдықталса, Soueast-тің барлық кроссовері толық жетекті және 8 сатылы автоматпен жүреді.

1 / 11

• 
• 
• 
• 
• 
• 
• 
• 
• 
• 
• 

1 / 11

Топтамадағы ең арзаны — ұзындығы 4.6 метрден сәл асатын және дөңгелек базасы 2.7 метр болатын S06. Онда 186 ат күшін (275 Нм) беретін 1.6 литрлік турбомотор тұр. Оның тек Flagship комплектациясы бар. Бағасы — 12.9 млн теңге.

Жабдықтар тізіміне бейімді круиз-бақылау, автоматты тежеу, жолақта ұстау жүйесі бар жүргізуші ассистенттерінің жинағы, климат-бақылау, 12.8 дюймдік цифрлық аспаптар панелі, 15.6 дюймдік мультимедиа (Android Auto және Apple CarPlay бар), Sony аудиожүйесі, сымсыз қуаттағыш, электр жетекті жүксалғыш қақпағы, панорамалы шатыр және т.б. кіреді.

1 / 9

• 
• 
• 
• 
• 
• 
• 
• 
• 

1 / 9

Компания бамперден бамперге дейінгі ұзындығы 4.7 метрге жететін ірілеу S07-ге де 1.6 литрлік турбомотор орнатты, бірақ оның қуаты 197 ат күшіне (290 Нм) тең. Салоны үш қатарлы. Жалғыз Flagship комплектациясының бағасы — 14 млн теңге.

Автомобиль айнала шолу камерасы бар заманауи ADAS кешені, алдыңғы және бүйірлік эйрбэг, қауіпсіздік пердесі, алдыңғы және артқы орындықтарды, рөл, әйнек жуғыш бүріккішін жылытқыш, алдыңғы орындықтарды желдеткіш, үш аймақты климат-бақылау, екі 12.3 дюймдік экран, Sony аудиожүйесі, электр жетекті орындықтар мен жүксалғыш қақпағы, сымсыз қуаттағышпен жабдықталады.

1 / 7

• 
• 
• 
• 
• 
• 
• 

1 / 7

4.9 метрлік S09 флагманының дөңгелек базасы — 2.85 метр. Ол 254 ат күшіне ие (390 Нм) 2 литрлік қозғалтқыш алды. Жеті орынды машинаның бағасы — 16 млн теңге.

Жабдықтар тізімі: электрондық көмекшілері бар ADAS кешені, алдыңғы және бүйірлік эйрбэг, қауіпсіздік пердесі, климат-бақылау, жылытқыштар, панорамалы шатыр, электр жетекті орындықтар мен жүксалғыш қақпағы, сымсыз қуаттағыш, 8 динамикті Sony аудиожүйесі, атмосфералық жарық, шынтақ тіреуіштегі салқындатқыш бокс, 10.25 дюймдік цифрлық аспаптар панелі, 15.6 дюймдік мультимедиа экраны (Android Auto және Apple CarPlay бар).