Sony мен Honda электромобиль өндірісіне 500 млн доллар жұмсады

Sony мен Honda бірлесіп жасаған Afeela электромобилін нарыққа шығаруға дайындалып жатыр. Осы мақсатта Sony Honda Mobility атты бірлескен кәсіпорын құрылған еді, ол былтырғы қаржылық есебін жариялады. Bloomberg хабарлағандай, есепте 362 миллиард доллар көлемінде операциялық шығын көрсетілген және таза пайда жоқ.

Былтыр 52 миллиард иенге жеткен шығын бұдан бір жыл бұрынғыдан екі есе (20.5 миллиард иен) көп. Sony Honda Mobility осылайша Afeela жобасына жарты миллиард доллардан астам қаражат жұмсаған. Кәсіпорын әзірге табыс таппай отыр, себебі электромобильдің толыққанды саудасы әлі басталған жоқ. Компания АҚШ-та жыл басында алдын ала тапсырыс қабылдай бастады.

1 / 11

• 
• 
• 
• 
• 
• 
• 
• 
• 
• 
• 

1 / 11

Солтүстік Америкаға арналған Afeela-ның негізгі техникалық сипаттамасы белгілі. Ұзындығы шамамен 5 метр болатын лифтбэк 245 ат күшіне ие екі электромотормен жабдықталады. Электромобильге 91 кВт·сағ литий-ионды батарея орнатылады, жүріс қоры EPA циклі бойынша шамамен 480 шақырымға жетеді. Автомобиль бірнеше сенсорлы экран, жасанды интеллект элементтері бар дыбысты көмекші және екінші деңгейлі жүргізуші ассистентінің кешенін алады. Жүйе есептеу қуаты 800 TOPS болатын чиппен жұмыс істейді.

Бренд модельдің небәрі екі нұсқасын ұсынады, бастапқы бағасы — 89 900 доллар (47 млн теңгеге жуық). Компания көлікті 2025 жылдың аяғында жеткізе бастайды, бірақ алғашқы өндіріс жылында тек базалық нұсқасы шығады.

1 / 7

• 
• 
• 
• 
• 
• 
• 

1 / 7

Сарапшылар Afeela-ның бағасын ескере отырып, машина премиум сегмент өкілі деп топшылады. Бұл нарықта қазір Америка және Еуропа брендтері үстем. Afeela-ның басты артықшылығы Sony-дің мультимедиа жүйесі мен онлайн-сервистері болуы мүмкін. Жобаның болашағы әзірге күмән тудырады. Sony 2020 жылы көрсетке Vision-S концептісін өндіруге ертерек кіріскенде серіктестерінің табысқа жету мүмкіндігі жоғары болар еді.

Afeela жобасына салынған инвестиция қайтарылмайтын шығын ретінде есептелсе де, Sony мен Honda үшін бұл аса ауыр соққы болмайды. Соңғы қаржы жылында екі компанияның жалпы операциялық табысы 2.6 триллион иеннен (18 миллиард доллардан) асты.