Сирек кездесетін Mercedes-Benz CLK DTM сатылады

2000 жылдардың басында Mercedes-Benz марканың 2003 жылғы DTM чемпионатындағы жеңісіне арналған CLK моделінің арнайы нұсқасын шығарды. CLK DTM деп аталатын модельдің тек 180 экземпляры жарық көрген: 100 купе және 80 кабриолет. Broad Arrow Auctions аукцион үйі сол кабриолеттердің бірін саудалайды.

1 / 10

• 
• 
• 
• 
• 
• 
• 
• 
• 
• 

1 / 10

CLK DTM сырттай модельдің стандарт нұсқасынан алдында — 19, артында 20 дюймдік дөңгелек дискісі бар фирмалық бастырықпен ерекшеленеді. Кабриолет салонында жүргізуші мен алдыңғы жолаушыға арналған былғары және алькантарамен қапталған карбон орындық бар, ал артында көміртекті пластиктен жасалған қарапайым орындық орналасқан.

1 / 6

• 
• 
• 
• 
• 
• 

1 / 6

CLK DTM 580 ат күшіне ие (800 Нм) 5.4 литрлік компрессорлы V8-бен жүреді. Қуатты автомобиль алғашқы жүздікті 4 секундта еңсереді, бірақ ең жоғары жылдамдығы сағатына 300 шақырымнан аспайды.

Біз сөз етіп отырған CLK DTM-ді алғаш рет 2006 жылы Германия тұрғыны сатып алған. Машина кейін Оңтүстік Кореяға барып, мұражайда тұрыпты. 2016 жылы кабриолет Еуропаға оралды. Ол небәрі 22 000 шақырым жүрген. Автомобиль 450 000–550 000 еуроға өтуі мүмкін.