Сирек кездесетін EMW 327 аукционға қатысады

АҚШ-та қою көк және сарғыш түстерге боялған неміс кабриолеті онлайн саудаға шықты. Машина 327 индексін алғанмен, шанағында BMW логотипі емес, Eisenacher Motorenwerk (EMW) жазуы тұр.

Автомобиль BMW топтамасына 1930 жылдардың аяғында қосылған, бастапқыда тек кабриолет болса, кейін купе шықты. Екінші дүниежүзілік соғыс басталмай тұрып Айзенах қаласындағы зауыт 1.4 мыңға жуық көлік құрастырған. Ал соғыс аяқталғанда ГДР аумағында қалып қойған кәсіпорын қайта жұмыс бастап, 1945 жылға дейін BMW белгісі бар 327 модельдерін жасады.

1 / 26

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 26

Жағдайдың бұлай құбылуы бавариялықтарға ұнамағаны анық, 1952 жылы марка атауын EMW-ге ауыстырды. Екі есікті машинаның дизайнын да өзгертті. EMW 327 кабриолетінің қапоты мен қанаты басқаша.

Жалпы 1945-1946 жылдары Айзенахтағы мекеме модельдің 505 данасын құрастырған, алайда нешеуі — BMW, нешеуі EMW белгісін таққаны белгісіз. Біз сөз етіп отырған автомобиль 1955 жылы конвейерден түсіпті.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Лот сипаттамасында көліктің бүкіл тарихы жазылмаған, тек 2000 жылы күрделі рестравациядан өткені, қазіргі иесі былтыр алғаны белгілі. Жағдайы жақсы, бірақ мінсіз емес: шанағынан сызат та, жарық та, тот ізі де байқалады.

EMW 327-нің салонын шеберлер былғары мен ағашты үйлестіре отырып, қоңыр реңкте әрлепті. Бейстандарт жабдық ретінде VDO өндірген температура сезгегін атауға болады, ол рөл колонкасында орналасқан.

Автомобиль екі Solex карбюраторы бар 2 литрлік алты цилиндрлі мотормен жүреді. Мұндай агрегат артқы дөңгелектерді айналдыратын 4 сатылы механикамен бірге шамамен 55 ат күшін береді.

Одометрі небәрі 21.5 мың шақырымды көрсетіп тұр, дегенмен ол шынымен көп жүрмеді ме, әлде екінші айналымға өткенде сандары қайта жаңарды ма, беймәлім. Материал жарияланған сәтте бағасы 40.2 мың долларға жуықтады. Бәссауда аяқталғанда 100 мыңнан асатын сияқты.