Сирек кездесетін Alfa Romeo сатылады

Қазір Alfa Romeo модельдік топтамасы негізінен кроссоверден тұрады. Марканың жолсыз жермен жүретін алғашқы моделі 2016 жылы шыққан Stelvio деуге болады, бірақ оның түп тамыры 1950 жылдары Италия Қорғаныс министрлігінің тапсырысымен жасалған 1900 M индексті Matta жол талғамайтын көлігінде жатыр.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Matta сырттай сол дәуірдегі Willys MB сияқты әскери көліктерге ұқсайды. Бірақ техникалық жағы біршама ерекше болды. 1950 жылдардың өзінде Matta-ның тәуелсіз алдыңғы аспасы, 120 пайыз қиғаш төбеге шығып, тереңдігі 70 см-ге дейінгі өткелден өте алатын геометриялық мүмкіндігі болған.

Жол талғамайтын көліктің капот астындағы моторы да ерекше. Ол 1900 Berlina седанының 1.9 литрлік бензинді моторымен жүреді. 8 клапанды агрегат 65 ат күші мен 123 Нм момент береді. Қозғалтқыш 4 сатылы механика және толық жетек жүйесімен жұмыс істейді.

Matta 1952 жылы әйгілі Mille Miglia раллиінде өз класында топ жарған. Бірақ жол талғамайтын көлік өзінің әу бастағы міндетін орындай алмады. Қорғаныс министрлігі Alfa Romeo 1900 M-нен Fiat Campagnola әлдеқайда тиімді деп тапты.

1 / 10

• 
• 
• 
• 
• 
• 
• 
• 
• 
• 

1 / 10

1952-1954 жылдары Alfa Romeo әскери мақсаттағы — 2007, азаматтық сипаттағы 154 автомобиль шығарды. Сондықтан Matta-ны коллекцияға арналған машина деуге негіз бар. Солардың бірі саудаға шықты. Сатушылар машина мінсіз жағдайда екенін айтты, одометрі небәрі мың км көрсетіп тұр.

Жол талғамайтын көлікті Италиядағы мамандар қайта қалпына келтірген. Қозғалтқышын Milano Motor Works ательесі жөндеді. Қазір «альфа» Нью-Йорк штатындағы Саутгемптон қаласында тұр. Иесі оны 50 000 долларға беруге дайын.