Шағын ретро-Honda аукционға қатысады

Honda 1960 жылдары жарық көрген S сериялы модельдерімен (S360, S500, S600 және S800) автомобиль әлеміне аяқ басты. Оған дейін бренд тек мотоцикл шығарған. Бұл топтаманың үздігі — Еуропаға жеткен екі есікті S800 M. Жапон спорткары қарт құрлықта MG, Austin-Healey және Triumph-пен бәсекеге түсті.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Шағын Honda S800 M (өлшемі: 3335 × 1400 × 1215 мм, дөңгелек базасы — 2000 мм) 791 кубтық төрт цилиндрлі мотормен жүреді. 69 ат күшіне ие қозғалтқыш 4 сатылы механикалық беріліс қорабымен жұмыс істейді. Салмағы небәрі 720 келі болатын автомобильдің ең жоғары жылдамдығы — 160 км/сағ.

Ұзын капоты, жинақы артқы бөлігі, ерекше шамы мен хромды декоры машинаның сипатына сай келеді. Еуропа тұрғындары купе нұсқасын таңдаса, жапондар родстерді ұнатты. Сондай-ақ Honda S800 M 1967 жылы саудаға шыққанда литрлік қозғалтқышы бар ең жылдам сериялы автомобиль атанды.

1 / 9

• 
• 
• 
• 
• 
• 
• 
• 
• 

1 / 9

Біз рөлі сол жақта орналасқан Honda S800 M купесін сөз етіп отырмыз. 1968 жылы шыққан бұл автомобиль Бельгияда сатылып, сол елде 66 438 км жүрген. Қазір тарихи отанына оралып, толық реставрациядан өткен. 2026 жылы қаңтарда бәссаудаға түседі.

800-серия шекті тиражбен (11.5 мың) шықты. Демек бағасы 7–9 млн иен (44 000–57 000 АҚШ доллары) болуы мүмкін.