Сақтандыру полисі арзандады

Қаржы нарығын реттеуші орган міндетті сақтандыру сыйлықақысын есептеу үшін «бонус-малус» жүйесі бойынша коэффициент есептеу және қолдану ережесін түзетті. Құжат заңды күшіне енді және коэффициент кестесінде А класы жоқ. Енді ол мынадай:

Ережеге сәйкес міндетті сақтандыру келісімшартын алғаш жасаған сақтанушыға 20 % жоғары коэффициент қолданылып, 3-класс беріледі. Мопед не мотоциклге енді мінген жүргізуші де үшінші класс алады, бірақ коэффициент жоғары болмайды.

Былтыр сәуірде жаңа сақтандыру кластары қосылғанда жаңадан рөлге отырған жүргізушілер үшін А класы мен 1.8 коэффициенті қолданылғанын ескерсек, енді олар полис рәсімдегенде 30 % жеңілдік алады, мототехника иелері 45 % ақша үнемдейді.

Құжатта жеке кәсіпкермен, заңды тұлғамен және шаруа қожалығымен міндетті сақтандыру келісімшартына отырғанда олар атқаратын қызмет түрлерінің жалпы классификаторы жеңіл автомобиль мен жеңіл көлік құралын жалға беру, жеңіл автомобиль мен жеңіл көлік құралын лизингіге беру, автобуспен жолаушы тасымалдау және такси қызметімен айналысу сияқты қызметтерге сәйкес келсе, 3-класс беріледі, 80 % жоғары коэффициент қолданылады деп жазылған. Яғни, олардың коэффициенті 1.8 болып қалды. Бұрын мұндай кәсіпкерлерге А класы берілетін.