Ресей шекарасына дейін апаратын мемлекеттік маңызға ие Қызылорда — Жезқазған — Есіл — Петропавл бағытындағы жол жетпісінші жылдары салынған. Жол төсемінің сапасы нашар болғандықтан 2016 және 2018 жылдар аралығында Қарағанды және Қызылорда облыстарының аумағындағы Қызылорда — Жезқазған тас жолында 373 ЖКО болған, салдарынан 387 адам қаза тауып, 1 243 адам жарақат алыпты. Айта кетерлігі, бұл бөліктердегі қозғалыс қарқындылығы тәулігіне екі мыңнан алты мыңға дейінгі автокөлікті құрайды.
Сенат депутаты Ерік Сұлтановтың айтуынша, тас жолдың басым бөлігінде «қара төсем» жоқ. Трасса елу жыл бойы күрделі жөндеу көрмепті. Көктем және күз мезгілдерінде мұнда лайсаң болып, ой-шұңқыр көбейеді.
Сенатордың пікірінше, жолды жөндеуден өткізу жергілікті тұрғындардың елді мекендерге кедергісіз жетуіне мүмкіндік беріп, солтүстік және оңтүстік облыстардағы транспорттық байланысты жақсартады, инновациялық тартымдылықты арттырады және аймақтың туристік әлеуетін көтереді.
Комментариев: 0