Сәнді Yangwang U8 180 мың доллар тұрады

BYD Шанхай автосалонында көрсеткен Yangwang U8L деп аталатын танымал модельдің ұзарған әрі кең нұсқасына алдын ала тапсырыс қабылдай бастады. Механикалық өзгерістер мен сәнді әрлеу материалдарының арқасында жаңа модификация қарапайым U8-ден едәуір қымбат. Rolls-Royce Cullinan-ның бәсекелесі ретінде шыққан өнім қазір 1.3 млн юаньға (180 мың доллар немесе 97.5 млн теңге) бағаланып отыр. Қытайда Cullinan шамамен алты есе қымбат.

1 / 9

• 
• 
• 
• 
• 
• 
• 
• 
• 

1 / 9

Yangwang U8-дің дизайны өзгермеді, бірақ көлік айтарлықтай ұзарды. U8L-дің бамперден бамперге дейінгі арасы 372 мм ұлғайған, дөңгелек базасы 200 мм ұзын. Ұзындығы 5.4 метр болатын бұл автомобильдің дөңгелек базасы 3250 мм-ге жетті. Артқы есігі енді екіге бөлініп, жоғары және төмен ашылады. Төменгі бөлігі ашық күйінде 200 кг жүк көтереді және оны орындық ретінде пайдалана аласыз.

1 / 9

• 
• 
• 
• 
• 
• 
• 
• 
• 

1 / 9

U8L қара-алтын түстес немесе толықтай қара шанақ алды. Мамандар логотиптері мен тақтайшаларын 24 карат алтынмен қаптап, машинаға бірегей 23 дюймдік дискілер орнатты. Салоны ерекше түстермен әрленеді.

Алдыңғы бөлігінде бұрынғыдай үш үлкен экран бар. Екеуінің диагоналі — 23.6 дюйм, бір тачскриннің өлшемі — 12.8 дюйм. Алдыңғы орындықтардың арқасындағы экран төбеге ауысты. Артқы әйнектердің жарық өткізгіштігін реттеуге болады.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Yangwang U8 тек бес орынды, ал U8L-ге қосымша қатар қосылған. Артқы қатардағы екі орындық электрлі реттегіш, жылытқыш, желдеткіш және массаж функцияларымен жабдықталған, олар шынтақ тіреуіштегі сенсорлы панель арқылы бапталады.

Ұзарғанына қарамастан күштік құрылымын сақтап қалды. 2 литрлік турбомотор мен төрт электрлі қозғалтқыштың жалпы қуаты 1197 ат күшіне (1280 Нм) жетеді. Гибрид алғашқы жүздікті 3.6 секундта еңсереді, жүріс қоры — 1000 км. Автомобильге бейімді аспа мен карбон-керамика тежеуіші орнатылады.