«Он бірінші» көлік 1999-2004 жылдар аралығында Горький зауытында шығарылған. Қолмен құрастырылған машинаның бағасы қымбат (қазіргі су жаңа Toyota Avensis-пен тең) болғандықтан, жаңа «Волганың» тиражы 400 данадан аспады. Дегенмен бұл оның сирек кездесетін көліктер тізіміне енуіне ықпал етті.
2001 жылы шыққан осы «волгалардың» біріне кеңестік дәуірден қалған машиналарды қалпына келтірумен айналысатын Смирнов КБ тюнинг-ательесі назар аударды. Жоба көлік моторын жетілдіруді көздемегендіктен, 136 аттың күшіне ие ЗМЗ-4062.10 қозғалтқышы 5 сатылы механикамен бірге сол қалпында қалды. Ал машинаның салоны ақ түсті қолтырауын терісімен қапталып, самырсыннан жасалған қосымшалар орнатылды, еденіне қой терісінен тоқылған кілемшелер төселсе, алдыңғы бөлігіне бұғы мүсіні қойылды.
Мамандар тек интерьермен шектелмей, Brembo фирмасының алдыңғы тежеуіш механизмдерін, артқы дискілік тежеуіштер мен 18 дюймдік дөңгелек дискілерін орнатқан.
Екі адамның иелігінде болған темір тұлпар 4 миллион рубльге (22.7 млн теңге) бағаланып отыр. Бұл шектен тыс сома сияқты көрінуі мүмкін, бірақ «волганы» шын бағалайтын адамның ақша аямасы анық.
Комментариев: 0