Rolls-Royce ғарышты еске салатын Cullinan жасады

Rolls-Royce клиенттің тапсырысы бойынша жасалған ерекше Cullinan-ды көрсетті. Машина иесі мен оның төрт жасар баласы ғарыш тақырыбына қатты қызыққан, сол үшін жаңа автомобилін космос стилінде әрлеуді шешіпті. Марка кроссовер салонында Құс жолын бейнелеп, стандарт атауына Cosmos сөзін қосты.

1 / 11

• 
• 
• 
• 
• 
• 
• 
• 
• 
• 
• 

1 / 11

Rolls-Royce қараңғыда жарқырап тұратын төбедегі суретті компанияның суретшісі сызғанын хабарлады. Оны жасауға 20 қабат акрил бояуы мен 160 сағат уақыт кеткен.

Есік картасы мен Charles Blue және Grace White түсті былғары креслолардың бас тіректері де жұлдызбен көмкерілген. Rolls-Royce алдыңғы панельдегі Piano White түсті сурет «жылтыраған спутник корпусын еске салатынын» айтты.

Ғарыш аппаратына ұқсас ассоциация Arabescato Pearl түсті шанақ монолитінен де байқалады, ол «түнгі аспандағы ай сәулесінің нәзік жарығын» еске түсіреді. Фирмалық Экстаз Рухы мүсіншесі де жарқырап, «алыстағы жұлдыздай көз тартады».

Техникалық тұрғыда Roll-Royce Cullinan Cosmos-тың әдеттегі модельден еш айырмасы жоқ. Машина 563 ат күшіне ие (850 Нм) 6.75 литрлік қос турбоүрлемді V12 моторымен жүреді. Қозғалтқыш әдеттегідей 8 сатылы автомат және толық жетек жүйесімен жұмыс істейді.