Carscoops басылымы күн шығыс елінде 2 453 000 иен (9.24 млн теңге) тұратын өңі өзгерген Suzuki Jimny сатылып жатқанын хабарлады. Damd мамандары әрлеген модель сырттай 70 жылдары шыққан бірінші буындағы Jimny LJ10-ға ұқсайды.
Шеберлер мұнымен шектелмей, аспасын қосымша бір жарым дюймге көтерді. Ал ескі стильдегі Crimson Dean дөңгелектерін жол талғамайтын MonsterмMad Warrior 235/70R16 шинасымен қаптаған. Томпақ арка кеңейткіш дөңгелек астынан шашырайтын кірден қорғайды және жіңішке машинаның сырттай орнықты көруіне ықпал етеді. Шатырында экспедициялық жүксалғыш бар. Салоны төрт адамға шақталған, моторы (101 а. к.; 103 Нм) мен 5 сатылы механика өзгеріссіз қалды.
Кішкентай Jimny көлікті түрлендіруге құмар жандардың көзіне жиі түседі. Жапониядағы бірнеше студент те осы үрдістен шет қалмады. Олар стандарт модельді ортасынан кесіп, 40 сантиметрлік секция орнатқан. Нәтижесінде ұзындығы 3950 мм-ге жеткен жол талғамайтын машинаға көп жолаушы сыяды. Болашақта 1.5 литрлік моторды жақсартады, ал шассидегі өзгерісті фотосуреттен көруге болады. H4-ті еске түсіретін машина жаңа жылдың алғашқы айында Токиодағы автосалонда көрсетіледі.
Біраз уақыт бұрын ателье шеберлері Gelandewagen-ге айналдырған сүйкімді Suzuki Jimny жайлы жазғанбыз. «Джимнигелик» Лондонда көзге түсті.
Комментариев: 0