Қылмыстық топ алты жыл бойы «кәсібін» дөңгелетіп, бірнеше миллиард рубль пайда тапқан. РФ ІІМ берген ақпаратқа сүйенсек, 2014 жылғы қаңтардан бері КАМАЗ дилерінің атын жамылған алаяқтар жөндеу жинақтарынан құрастырылған көлік сатумен айналысқан. Машиналарға Ресейде тыйым салынған экологиялық класы төмен мотор орнатыпты. Ал көліктің куәлігіне жалған мәлімет жазған.
Сапасы төмен өнім саудалаған қылмыскерлер автоөндірушінің абыройына нұқсан келтірді. Айта кетерлігі, клиенттер осы уақыттқа дейін көлікте кілтипан барын сезбепті.
Тергеу барысында көрші елдің бес өңірінде 50-ден аса тінту жұмыстары жүргізіліп, бірнеше компьютер мен құжаттар тәркіленді. Полиция ұсталған үш адамның сыбайластары мен соған ұқсас басқа қылмыстарға қатысы бар-жоғын тексеріп жатыр.
Комментариев: 0