Марка біраз уақыт бұрын таныстырған «дағдарысқа қарсы» UAZ Patriot күз басында автосалонға шықты. Автомобиль хром элементтерінен айырылған, беріліс қорабындағы шайба орнына механикалық иінтірек орнатыпты, рөлде қауіпсіздік жастығы жоқ. Механика қорап көліктің базалық нұсқасында бұрын да болған, енді оған балама болмайтын секілді.
Машинаның мұндай күйге түсуі жұртты шошыта қоймас. Өйткені бағасы өспеген, ал қорап иінтірегіне келер болсақ, ол жолсыз жерде жүргенде өзін шайбадан жақсы көрсетті, басқару блогы бұғаттағанда істен шығып қалушы еді, ал таяз судан өткенде ажыратқышқа су кіріп кететін.
«Патриоттарға» ортақ бір кемшілік бар әрі оның қазіргі жағдайға мүлде қатысы жоқ. Көлік шанағы коррозиядан дұрыс қорғалмаған, құрастыру сапасы да көңіл көншітпейді. Бұған ешқандай санкция әсер етпейтіні белгілі.
Комментариев: 0