Ресейде көліктер RuNCAP сынағынан өтеді

Gazeta.ru басылымына берген сұхбатында агенттік басшысы Антон Шалаев Росстандарттың Ресейде ұлттық краш-тест жүйесін және RuNCAP көлік қауіпсіздігі рейтінгін қайта құруға ниетті екенін айтты. Ол бұған заңды негіз бар деп санайды. Сынаққа жергілікті ғана емес, шетелдік автоөндірушілердің де қатысуы маңызды.

RuNCAP өткізу тәртібі мен әдістемесін әзірлеу 2019 жылы басталған, бірақ ковид, Украинадағы қақтығыс және санкция салдарынан жоба кейінге қалды. Ресейде бұрын-соңды танымал болмаған Қытай автобрендтерінің өнімі көптеп сатылып жатқандықтан, олардың қауіпсіздігін тексеру өзекті мәселеге айналды.

General Motors концерні 1934 жылы алғаш рет краш-тест өткізді. Нәтижесінде автомобильде мыжылатын жерлердің болуы маңызды екені анықталды. Қазір мұндай іспен тәуелсіз ұйымдар: Еуропада EuroNCAP, Америкада NHTSA мен IIHS, Қытайда C-NCAP, Германияда ADAC, Аустралияда ANCAP, Жапонияда JNCAP және т.б. айналысады.

1 / 4

• 
• 
• 
• 

1 / 4

Ресейдегі алғашқы сынақты мемлекеттік органдар не автозауыттар емес, 2001–2020 жылдары «Авторевю» басылымының журналистері өткізген.