Росстандарт ел аумағында 1988 және 1999 жылдар аралығында сатылған Volkswagen Passat B5 көліктерінің кері қайтарылатынын хабарлады.
«Пассаттарды» кері қайтаруға NADI (Non-Azide Driver Inflator) инфляторы бар Takata қауіпсіздік жастықтары себеп болды. Volkswagen оларды рөл жиегі ағашпен көмкерілген машиналарға ғана қолданған.
Жол апаты болып, жастықтар іске қосылған кезде екі түрлі қайғылы оқиға болуы мүмкін. Бірінші жағдайда қысымның жетіспеуі салдарынан эйрбэг толық ашылмай қалады, ал екінші жағайда қысым шектен тыс артып, инфлятор корпусын жарады да, металл сынықтары жүргізушінің бетін жарақаттайды.
Қазіргі уақытта ескі Passat үшін түпнұсқалық бөлшек табу мүмкін емес, яғни кемшілік тек компания жаңасын әзірлеген соң ғана жойылады. Кері қайтарылатын көліктер тегін жөнделеді.
Ақауы бар Takata қауіпсіздік жастықтарының әлем бойынша 120 млн машинаның кері қайтарылуына себеп болып, өндірушіні тақырға отырғызғанын айта кеткен жөн.
Комментариев: 0