Бағдарламалық жасақтама жасайтын BaseTracK компаниясы пилотсыз машинаны Мәскеу мен Санкт-Петербург арасындағы M11 тас жолы арқылы сапарға шығарады. Осы мақсатта тоғыз Mercedes-Benz Actros 1845 сатып алынды, олар автономды жүруге арналған құрылғымен жабдықталады. Сертификат алу үшін машиналардың бірі қарашаның басында НАМИ полигонында тесттен өтеді, ал желтоқсанда сынақ рейсіне шығады. Өзге сегіз жүк машинасы BaseTracK-ке 2022 жылдың екінші тоқсанында жеткізіледі.
Жасанды интеллект GPS арқылы жолдағы қозғалысқа сай жылдамдықты сақтай отырып, рөлді, қарқынды және тежеуішті өз бетінше басқара алады. Бірақ бастапқы кезеңде ол газ педалін ғана басқарады, өйткені салонда жүргізуші отырып, көлікті жүргізеді. Сынақ кезінде пилотсыз жүк көлігі өзге машиналармен бір жолда жүреді, әрі оларға арнайы жолақ берілмейді. Айта кетерлігі, басқару блогы шамамен мың доллар тұрады, ол «актросқа» ғана арналмаған.
BaseTracK жүргізушісіз жүк көліктерін пайдалану логистика саласындағы екі мәселені (жүргізуші жетіспеушілігі мен жанармай үнемдеу) шешеді деп үміттеніп отыр. Бірақ ресейлік сарапшылардың көбі жол инфрақұрылымының нашарлығы мен нормативтік-құқықтық базаның жоқтығына байланысты тасымал саласына пилотсыз ауыр техниканы жаппай енгізудің болашағына күмәнмен қарайды.
«Бір батырманы басып, А пунктінен В пунктіне баратын кез жақындап келеді», — дейді Cognitive Pilot компаниясының жүргізушісіз көлік құралын дамыту бөлімінің бастығы Юрий Минкин.
Комментариев: 0