Renault жаңа концепт-карымен рекорд орнатпақшы

Renault футуристік Filante Record 2025 концептісін таныстырды. Винтажды ерекше экстерьері мен техникалық сипаттамасы бұл көлікті жай шоукар емес, әлемдегі ең ұзаққа шабатын электромобиль атағына үміткер етеді. Renault бұл рекордты 2025 жылдың бірінші жартысында орнатуға ниетті.

1 / 6

• 
• 
• 
• 
• 
• 

Nervasport des Records

Nervasport des Records

40 CV des records

40 CV des records

The Étoile Filante

The Étoile Filante

1 / 6

Концептінің атауы мен дизайн элементтері Renault-ның 40CV des Records және Etoile Filante сияқты 20-30 жылдардағы прототиптеріне сілтеме жасайды. Олар жылдамдық рекордын орнату үшін жасалған. Filante Record 2025-тің сырт келбеті аэродинамиканы барынша жақсартуға негізделген. Сондықтан оның шанағы созыңқы, ұзындығы — 5.12 м, ені — 1.71 м.

1 / 7

• 
• 
• 
• 
• 
• 
• 

1 / 7

Формула-1 болидтеріне ұқсайтын бір орынды салоны аэродинамикаға көмектеседі. Рөл орнында геймпад тәрізді штурвал бар. Онда батырмалар мен ортасында панорамалы дисплей орналасқан. Рөл ашылатын әйнекке бекітілген, себебі рөл мен дөңгелек арасында тікелей механикалық байланыс жоқ. Жүргізуші орындығы — матамен қапталған композит каркас.

1 / 7

• 
• 
• 
• 
• 
• 
• 

1 / 7

Инженерлер концептіні барынша жеңілдетуге тырысқан. Renault көміртекті пластик, алюминийді 3D-принтермен басып шығарып, кейбір қосымша бөлшектен бас тартқандықтан (мысалы, климаттық жүйе орнатылмаған) көліктің жалпы салмағын 1 тонна шамасында ұстай алды. 600 келі салмақты 87 кВт/сағ аккумулятор алып тұр.

Жүріс қоры ұзаққа жету үшін Michelin арнайы жіңішке шиналар жасады. Олардың тиімділігі сериялық электромобильге арналған шинадан 40 % жоғары.

Компания концептідегі технологиялар болашақта сериялық модельдерге келеді деп уәде етті. Renault әзірге Filante Record 2025-тің күштік құрылымын жарияламады. Бұл туралы қосымша ақпарат ақпанның басында Парижде өтетін ретромашиналар көрмесінде белгілі болады.