Машиналар Renault мен өзбекстандық ADM-Jizzakh компаниясының бірлескен кәсіпорнында ірі торапты әдіспен шығарылады. Автокөлік бөлшектері франциялық концерннің Ресейдегі бөлімшесінен жеткізеледі. Drom.ru сайты хабарлағандай, алғашқы көліктер 21 қазанда құрастырылды. Алдымен жергілікті мамандар Renault Arkana және Renault Kaptur кроссоверін (механика немесе вариатормен жұмыс істейтін, 114 ат күшін беретін 1.6 литрлік бензинді мотор, тек алдыңғы жетекті) шығарады.
Қазақстан Өзбекстан автоөндірісінің негізгі тұтынушыларының бірі (UzAuto Motors шығарған мыңдаған Chevrolet бізге жеткізіледі) болғанымен, Жизақта жасалған Renault-лар бізге жеткізілмейді. Өйткені дәл сол «Аркана» мен «Каптюр» Қостанайдағы «СарыарқаАвтоПром» зауытында құрастырылады. Қарашада екінші буындағы Duster өндірісі басталады.
Комментариев: 0