14 қаңтар күні Renault жаңа стратегиясын жариялады. Алдағы бір-екі жылда шешімдер соның негізінде қабылданады. Стратегия Renaulution деп аталады. Мұнда қызықты дүниелер өте көп, бірақ ең алдымен біздің назарға ресейлік «ладаның» жоспары ілікті.
Lada мен румыниялық Dacia жуырда өзара жақын болады. Себебі қос маркаға тиесілі модельдердің бәрі CMF-B модульді платформасында жасалады. Процесс 2025 жылы аяқталуы тиіс. Ал мұның Lada-ға не қатысы бар? 2025 жылы АВТОВАЗ «Гранта» мен «Вестаның» қазіргі буынынан бас тартып, екі «ниваның» өндірісін тоқтатады.
Презентацияда Lada топтамасында жаңа көліктердің пайда болу кестесі көрсетілген. Онда дәл қай модельдер бары белгісіз, бірақ болжам жасауға негіз бар. Сонымен 2021-2022 жылдары біз су жаңа машина көрмейміз. CMF-B негізіндегі алғашқы көліктер 2023 жылы жарық көреді. Ол екі шанақта ұсынылатын Granta-ның екінші буыны болатын шығар. Бір жыл өткен соң тағы бір көлік шығады. Ол жаңа «Нива» болуы мүмкін. Ал 2025 жылы АВТОВАЗ С классындағы автомобильді таныстырады.
Слайдтың сол жағында жаңа Lada Niva-ның концептісі салынған. Бұл кроссоверде Х-дизайны жоқ.
Комментариев: 0