Renault Filante: Қытай платформасын алған француз кроссовері

Renault жаңа моделін көрсетті. Filante деп аталатын автомобиль Еуропадағы брендтерге тән емес сырт келбетімен ерекшеленеді. Машина Geely CMA платформасына негізделген.

Марка Filante-ні күллі әлемде сатылатын өнімдерінің бірі ретінде ұсынады және ол болашақта E класының бетке ұстар моделіне айналады деп сенеді. Ұзындығы — 4915 мм, дөңгелек базасы — 2820 мм. Клиренсі — 201 мм, жүксалғыш көлемі — 633-2050 литр.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Көлік 150 ат күшін беретін 1.5 литрлік іштен жанатын қозғалтқышқа негізделген гибрид құрылыммен жүреді. Агрегат 3 сатылы автомат қорапқа кіріккен екі электромотормен жұмыс істейді. Біріншісі стартер және генератор (82 а.к.) қызметін атқарады, екіншісі — 136 ат күшіне ие тартқыш қозғалтқыш. Жалпы қуаты — 250 ат күші және 565 Нм момент. Модель 1.64 киловаттық кішкентай батареямен жабдықталады, оны сыртқы қуат көзі арқылы қуаттауға болмайды.

1 / 10

• 
• 
• 
• 
• 
• 
• 
• 
• 
• 

1 / 10

Салонында үш дисплей алдыңғы панельге жайғасқан. Олардың диагоналі 12.3 дюйм. Жабдықтар тізіміне үш аймақты климат-бақылау, Arkamys немесе Bose аудиожүйесі және цифрлық артқы көрініс айнасы мен шұғыл бұру жүйесі сияқты электрондық көмекшілер кіреді.

Пусан қаласындағы зауытта жасалатын Renault Filante-нің саудасы биыл көктемде басталады. 2027 жылы марка автомобильді Оңтүстік Америка мен Таяу Шығыстағы елдерге ұсынады. Бұл Renault Еуропаға бармайды.