Renault арзан кроссоверін жаңартты

Жаз аяқталуға жақын қалғанда бренд Үндістанда аса танымал шағын моделін рестайлингтен өткізді. Мамандар төрт адам сыятын Renault Kiger-дің алдыңғы бөлігі мен артқы бамперін сәл құбылтып, бөлек тұратын тұманға қарсы шамдар орнатты, үздік комплектациясына 16 дюймдік жаңа дөңгелек дискісін қойды.

1 / 9

• 
• 
• 
• 
• 
• 
• 
• 
• 

1 / 9

Мотор гаммасы бұрынғыдай. Машина 72 не 100 ат күшін беретін 1 литрлік үш цилиндрлі қозғалтқышпен жүреді. Агрегат механика, робот және сатысыз вариатормен жұмыс істейді.

1 / 9

• 
• 
• 
• 
• 
• 
• 
• 
• 

1 / 9

Автомобильдің 8 дюймдік кішкентай экраны бар алдыңғы панелі өзгермеді, тек қаптама түрлері көбейіп, шуоқшаулағышы жақсарған. Бұдан былай модельдің барлық комплектациясы алты қауіпсіздік жастығы, өрге қарай қозғала бастағанда көмек беретін жүйе және артқы парктроникпен жабдықталады. Опциялар тізіміне айнала шолу камералары, Arkamys аудиожүйесі, сымсыз қуаттағыш, алдыңғы орындықты желдеткіш кіреді.

Жаңарған Renault Kiger-ге қазір тапсырыс беруге болады. Атмосфералы мотор мен механика қорап алған базалық Authentic 630 мың рупия (3.85 млн теңге) тұрады. Ал турбомотор және вариатор көмегімен қозғалатын Emotion флагманының құны — 1.13 млн рупия (6.91 млн  теңге).