RAM Dakota Nightfall: Қытай агрегатын алған америкалық пикап

Күні кеше RAM Оңтүстік Америка нарығына арналған жаңа пикаптың бірнеше тизерін жариялады. Жергілікті басылымдар бұл америкалық компанияның өз өнімі емес, эмблемасы ауысқан модель болады деп болжады. Яғни, автөндіруші басқа автомобильді қажетіне қарай бейімдейді. Әңгіме Қытайдың Changan Hunter Plus көлігі туралы.

1 / 10

• 
• 
• 
• 
• 
• 
• 
• 
• 
• 

1 / 10

Шын мәнінде солай болып шықты, бірақ RAM мамандары тек эмблема мен бамперді ауыстырмады. Dakota Nightfall-дың сырт келбеті бренд топтамасындағы машиналарға ұқсайды. Дегенмен тура қарағанда «Хантермен» ұқсастығы байқалады. Пикап 33 дюймдік бүртабан шина мен 18 дюймдік диск, жолсыз жерге арналған Fox аспасы және көліктің астындағы қорғаныш элементтерімен жабдықталды.

«Дакотаның» күштік құрылымы туралы ресми ақпарат әзірге жоқ. Модель Peugeot Landtrek пен Fiat Titano-ға негіз болған Changan-ның агрегатын алатынын ескерсек, ол 200 ат күшін (450 Нм) беретін 2.2 литрлік дизель, 8 сатылы автомат және толық жетек жүйесімен жүретін сияқты.

Қазір RAM Dakota Nightfall концепт саналады. Сериялық өндірісі келер жылы басталады. Модель Аргентинадағы зауытта жасалады.