Раллиге қатысатын Defender саудаға шығады

Қаңтарда Сауд Арабиясының құмды даласында өткен «Дакар» ралли-рейді Land Rover үшін сәтті аяқталды. Бренд өкілдері ардагерлер жарысында да, сериялық көліктер бақ сынаған Stock санатында да жеңіске жетті. Үш Defender D7X-R 14 күнде 8 мың шақырым жолсыз жерді жүріп өтіп, мәреге бірінші, екінші және төртінші болып жетті.

Осы тарихи жеңістің құрметіне компания раллиге арналған болидті көптеп құрастырамыз деп шешті. Defender Dakar-ды D7X-R моделінің өзі деуге болады, бірақ біршама қуатты. Оның V8 моторы 635 ат күші мен 750 Нм береді. Өйткені күштік құрылым FIA регламентіне сай шектеуге ұшырамайды.

JLR топтамасына Defender Dakar тағы бір экстремал жол талғамайтын көлік — Defender Octa-мен бірге қосылады. Екі автомобильдің қозғалтқыш, трансмиссия сияқты техникалық шешімдері ұқсас. Бірақ Dakar аспасымен ерекшеленеді, онда дәстүрлі тұрақтандырғышы жоқ күрделі гидравликалық жүйенің орнына мығым серіппелі Bilstein тірегі орналасқан, аспаның Dunes, Gravel және Flight деп аталатын үш жұмыс режимі бар.

Dakar-дың клиренсі биік әрі жолтабаны кеңірек болады. 20 дюймдік дөңгелек дискісі 35 дюймдік ірі «бүртабан» шинамен қапталған (Octa-да шинаның өлшемі 33 дюйм).

Раллиге тән сары-көгілдір түске боялған Defender Dakar көтеріңкі ауатартқышы бар карбон капот және төбеде орналасқан люстрасымен ерекшеленеді. Машина салоны азаматтық нұсқадағы сәнді бейнесін сақтап қалады. Бірақ онда нүктелі қауіпсіздік белдігі мен жарыс шлеміне арналған орны бар төрт жарыс креслосы орнатылған. Шина үрлеуге арналған ауа компрессоры да болады.

1 / 8

Defender D7X-R

1 / 8

Сериялық Defender Dakar-ға тапсырыс қабылдау 2027 жылы, кезекті «Дакар» раллиі өтетін кезде басталады. Модельдің толық техникалық сипаттамасы, комплектациясы және бағасы сол кезде жарияланады. Тиражы белгісіз, бірақ саны шекті болатын шығары.

Комментариев: 0