Қытайлар классикалық Mini-ді патенттеді

Wey және Ora электрлі «Жук» шығарғаннан кейін Beijing Astech Technology компаниясы да осы жолға түсті, олар 60-жылдардағы классикалық Mini-дің айна қатесіз көшірмесін жасап шықты. Жергілікті авторлық құқықты қорғау мекемесіне не үшін өтініш берді дегенге келсек, олар Mini-дің қазіргі иесі BMW концернінің шағымынан сақтану үшін емес, өзге қытайлық бизнесмендердің алдын орау мақсатында осылай істеп отыр. Өйткені олар да түрі тұтас әлемге таныс сүйкімді көліктің бейнесін пайдалануы мүмкін.

Carnewschina басылымы хабарлағандай, қытайлық нұсқа түпнұсқа көліктің анық көшірмесі (аэродинамикасын жақсарту үшін шанағы сәл доғал етіп жасалған), тек жолаушылар отырғанда ыңғайлы болу үшін өлшемін сәл үлкейткен. Тіпті ретро стильдегі дөңгелек қақпағы, кішкене дөңгелек айна секілді сол дәуірге тән атрибуттар сақталған. Машина электрлі болады.

BMW үшін Қытай нарығы аса маңызды екенін ескерсек, немістер электрлі көшірмеге қатты наразылық білдірмейтін шығар. Наразы болған күннің өзінде Қытайда авторлық құқықты қорғауға нақты мүмкіндік жоқ. Айта кетерлігі, Ora брендінің иесі Great Wall концернінің Beijing Astech Technology компаниясына да қатысы бар көрінеді.